رساله من ام الجود ( اسم مستعار ) لموقع القرية نت ننشرها لكم كما وردتنا ... 

انا بنت بداية حياتي صالحة لدرجة معينة صلاة وصوم نوافل وقران  .... وبعدها من رفاق السوء ( وانه حب وما حب وحبيت ) ومن وقتها لليوم مدمرة حياتي شب لعب بمشاعري عالنت وراح .. بعدها بعدت عن كلشي بخص الشباب والحب .  كنت احيانا اذا نفسي تسولي اغلط اعمل حساب وهمي واحكي واترك واتوب واعيط كتير .

وكل مرة علاقتي بربي تزيد لحد ما اجا شب بحبني بموت فيه بعد محاولات اشهر وافقت وحكينا وحكيتلوا كلشي عن ماضي كل شب حكيتو وتفاصيل كل علاقة . وعلاقتنا والله كانت احترام وخوف من ربنا رغم انو عارفين انو حرام بس هو سال عني وعارفني محرتمة وطيبة وما بغلط رغم علاقاتي وكانت بجهل .

وهو نفس الشي هو سمعته واخلاقه طيبة وحكا لاهله عني . ومستنيين لنتخرج وانا الحمدلله تفوق وسمعة ممتازة انا وعيلتي . الفترة الي مرقت غلطنا بلحظة ضعف كنا رايحن ع كافيه وبعدها حضني وقبلني وللاسف تصورنا بعدها روحنا وحكينا انه غلطنا وخفنا كتير من عقاب ربنا خصوصا الشب قلي انا خايف عليكي اكتر هاد غلط ورح ندفنه ونسنينا ورجعنا تمام وكان لازم يحذف الصور ونسي للاسف .

بعد يومين من الكلام انه خلص ندمنا واستغفرنا نكشفت الصور لاهله بعد التوبة وحيات الله وهو مطرود من البيت وفكره انه عملنا اكتر من هيك وخايفة عليه من عواقبها وانا متحطمة وهو متحطم ومش عارفين شو نعمل وانه استغفر الله العظيم انه تبنا وبعد التوبة نفضحنا طب ليش استغفر الله استغفر الله . كل يوم بقرا سورة البقرة بنية ربنا يجمعنا بالحلال بحفض قران بتصدق رغم انه ما معي مال بس من مصروفي لو شيقل !

بصلي قيام وبدعي الي واله انه تتيسر امورنا ويرزقنا لنتجوز بشتغل مع دراستي لنجمع للخطبة باخر السنة حب تلات سنين حاسينه حيموت بغلطة شو الحل ؟

واهله بعرفوني بعرفوني بنت ادب واخلاق وبحبوني هسه شو موقفي قدامهم وشو موقفه هو قدام اهله شو نعمل لنتجوّز ؟! وشو الحكمة ريحوني ؟!!

بحمد الله انه عاقبنا هسه مش بالاخرة بس والله احنا مش متعودين عالغلط وغلطنا وندمنا وبنعرف الصح من الغلط ما بحكيلي غير يرضا عليكي ويحماكي ويجمعني فيكي وانا نفس الشي والله وبذكره بالصلاة عوقتها وكتير بنكون نحكي واوعيه بالدين اقسم بالله طول الوقت نعيط وهو يطلب مني اسامحه لانه الصور نكشفوا ورغم كلشي صار فيه ، هو بفكر فيني .

تحطمنا من جوا والله انا بنام وبصحى وبعيط وبدعي وبستغفر وصابرة والله صابرة ادعولي ربنا يفرجها وما ينحرم الشب من دراسته ولا ننحرم من بعض ونجتمع بالحلال يا رب ويسامحنا يا رب لا اله الا انت سبحانك ربي اني كنت من الظالمين ..